[ad_1]
( प्रगत भारत । pragatbharat.com)
तीळ आहेत दातासाठी फायदेशीर
जेवणाचा स्वाद वाढविण्यासाठी आपण स्वयंपाकात तीळ वापरतो. पण हेच काळे वा सफेद तीळ दाताच्या आरोग्यासाठीही फायदेशीर ठरतात. नॅशनल लायब्ररी ऑफ मेडिसिनने केलेल्या अभ्यासानुसार, तीळ हे दात आणि हिरड्यांच्या आरोग्यासाठी अत्यंत लाभदायी मानले जातात. सकाळी सकाळी तीळ खाल्ल्याने दात मजबूत होतात. सकाळी तीळ चावून टूथपेस्ट न लावता दात घासण्याचा सल्ला देण्यात येतो. यामुळे दात अधिक चमकदार आणि सफेद होतात.
तिळाचा दातासाठी उपयोग
तिळाचे दाणे हे कॅल्शियमयुक्त असतात आणि दात व हिरड्यांच्या आसपास असणाऱ्या हाडांना मजबूती देण्यास याचा उपयोग होतो. दातामध्ये इनेमल तयार करून प्लाक हटविण्यासाठीही तिळाचा उत्तम उपयोग होतो असे अभ्यासात सांगण्यात आले आहे.
(वाचा – ७ दिवस नियमित खा भिजवलेले खजूर, सांधेदुखीपासून सुटका आणि रक्तप्रवाह होईल सुरळीत)
तीळ चावण्याचे फायदे
सकाळीच उठून तीळ चावून खाल्ल्यास पोट आणि लिव्हर दोघांनाही उत्तेजित करून पचनक्रिया अधिक चांगली करण्याचे काम तीळ करते. ओरल हेल्थची काळजी घेणे हे केवळ आपल्या दातासाठी वा हिरड्यांसाठीच नाही तर त्याचा आपल्या पचनक्रिया, अंग आणि टिश्यू हेल्थशीदेखील संबंध आहे. या सगळ्यासाठी तीळ उपयुक्त ठरतात.
(वाचा – या सवयींमुळे वाढतात पोटांचे टायर्स, वजन वाढीने व्हाल हैराण, वेळीच आळा घाला)
तिळाच्या तेलाचे ऑईल पुलिंग
PharmEasy मध्ये डॉ. सिद्धार्थ गुप्ता यांनी दिलेल्या अभ्यासानुसार, दाताचा पिवळेपणा घालविण्यासाठी तिळाचे तेल अत्यंत उपयुक्त ठरते. दात, हिरड्या, हाडे यांना मजबूत ठेवण्यासाठी तिळाच्या तेलाचा चांगला उपयोग करून घेता येतो. तिळाच्या तेलाचा वापर करून ऑईल पुलिंग केल्याने दात स्वच्छ होण्यास आणि पिवळेपणा निघून जाण्यास मदत मिळते. याशिवाय बद्धकोष्ठतेची समस्या दूर करण्यासही मदत मिळते.
(वाचा – ब्लड शुगर कमी करण्यासाठी अश्वगंधा वापरण्याच्या ५ पद्धती, डायबिटीस राहील कायम नियंत्रणात)
डॉक्टरांची मदत कधी घ्यावी
तुमचे दात फारच दुखत असतील, हलत असतील आणि सेन्सिटिव्ह झाले असतील तर कोणतेही घरगुती उपाय न करता त्वरीत डॉक्टरांची मदत घ्यावी. तुम्हाला दातातील कळा सहन होत नसतील तर अंगावर न काढता लवकरात लवकर डॉक्टरांना संपर्क साधावा.
[ad_2]
